ತನ್ನ ತಂದೆ ಖ್ಯಾತ ಬ್ಯಾಡ್ಮಿಂಟನ್ ತಾರೆ ಪುಲ್ಲೇಲ ಗೋಪಿಚಂದ್ ಹಾಗೂ ಸಹೋದರಿ ಗಾಯತ್ರಿ ಅವರ ಹಾದಿ ತುಳಿದಿರುವ ಸಾಯಿ ವಿಷ್ಣು, ರಾಷ್ಟ್ರೀಯ ಸಬ್ ಜೂನಿಯರ್ ಬ್ಯಾಡ್ಮಿಂಟನ್ ಸ್ಪರ್ಧೆಯ ಅಂಡರ್-15 ವಿಭಾಗದಲ್ಲಿ ನೂತನ ಚಾಂಪಿಯನ್ ಆಗಿ ಹೊರ ಹೊಮ್ಮಿದ್ದಾರೆ.



ಭಾನುವಾರ ಬೆಂಗಳೂರಿನಲ್ಲಿ ನಡೆದ ಫೈನಲ್​ನಲ್ಲಿ 14 ವರ್ಷದ ವಿಷ್ಣು, ಸಾಯಿ ಸತ್ಯ ಸರ್ವೇಶ್ ಅವರನ್ನು 21-14, 21-19 ನೇರ ಸೆಟ್​ಗಳಿಂದ ಮಣಿಸುವ ಮೂಲಕ ಸಬ್​ ಜೂನಿಯರ್​ ರಾಷ್ಟ್ರೀಯ ಬ್ಯಾಡ್ಮಿಂಟನ್​ ಚಾಂಪಿಯನ್​ ಆಗಿ ಹೊರಹೊಮ್ಮಿದ್ದಾರೆ.

ಸಾಯಿ ವಿಷ್ಣು ಗೋಪಿಚಂದ್​ ಅಕಾಡೆಮಿಯಲ್ಲೇ  ಸೈನಾ, ಸಿಂದುರಂತಹ ಅಂತಾರಾಷ್ಟ್ರೀಯ ಮಟ್ಟದ ಆಟಗಾರ್ತಿಯರ ಜೊತೆಯಲ್ಲಿ ತರಬೇತಿ ಪಡೆಯುತ್ತಿದ್ದಾರೆ. ಇವರ ಸಹೋದರಿ ಗಾಯಿತ್ರಿ ಕೂಡ ಬ್ಯಾಡ್ಮಿಂಟನ್​ನಲ್ಲಿ ಹಲವಾರು ಪ್ರಶಸ್ತಿಗಳನ್ನು ಗೆದ್ದಿದ್ದಾರೆ.